АЙМАК news (аймак жаңылыктары)

Ош. “Үйүңүзгѳ тынчтык”.Ѳзгѳчѳ кырдаалдар министрлигинин Алай райондук бөлүмүнүн башчысынын такталган маалыматы боюнча 2011-жылдын  7-декабры күнү саат 01:00 чамасында Ош-Сары-Таш- Эркештам (218 чакырымы) унаа жолу бороон чапкын көбөйгөндүгүнө жана көрүү мүмкүнчүлүгү жоктугуна байланыштуу жол жабылды.

Read the rest of this entry »

 Баткен. “Үйүңүзгѳ тынчтык”.  Күйүүчү майдын кѳйгѳйү  Баткен облусунда дагы эле курч бойдон. Такталбаган маалыматтарга караганда күнүнѳ  40 тоннадан ашык 10-15  бензин тарткан чоң машинелер Кыргызстандын түпкүрү  Тажикстанга чектеш Лейлек районуна барышат.  Маалыматтарга таянсак Лейлек районунун күйүүчү  майга болгон муктаждыгы 40-45 тоннаны түзсѳ, ташылган бензиндин кѳлѳмү  күнүнѳ  455 тоннаны түзүүдѳ. Баш катырган баягы эле суроо келген бензиндер кайда кетип жатат?  Албетте Тажикстанга …  Бир караганда контрабандадай кѳрүнгѳнү  менен бирок контрабанда жыттанбайт. Бензин тарткан машиналардын документтери так, салык тѳлѳнгѳн. Кѳрсѳтүлгѳн  маршрут боюнча күйүүчү  май сатуучу кампаларга укук коргоо органдарынын коштоосу менен куюлууда. А бирок бүгүнкү  күндѳ Тажикстанга жеңил автомашиналар менен кумурскадай ташып жатышкан таксисттерден тарта портер айдаган азаматтар күйүүчү  майдын күнүн кѳрүүдѳ.

Баткен. «Үйүңүзгѳ тынчтык». Быйыл кышында Баткен облусуна электр энергиясы туруктуу берилет. Бул маалыматты облустун ѳнѳр жай курулуш транспорт жана коммуникация бѳлүмүнүн башчысы А.Хаджаев билдирди. Булл  багытта айта кетчү дагы бир маселе -эми жылдагыдай Лейлек районунун жана Сүлүктү  шаарынын калкы Тажикстанга электр тармактары боюнча кѳз каранды болбойт. Ал үчүн  Айгүл-таш подстанциясынан Исфанага чейин узундугу 140 чакырымга жогорку чыңалуудагы электр линиясын тартуу аяктап калды. Бул  үчүн 11 млн. 800 АКШ доллары инвесторлор тарабынан бѳлүнүп, жалпысынан 457 электр зымдарын тартуучу таянычтар тургузулду. Эскерте кетели,  буга чейин Тажикстан аркылуу электр жарыгын алып келген Лейлектиктер менен Сүлүктүлүктѳр ѳзгѳчѳ кыш учурунда себепсиз жарык ѳчүрүүлѳргѳ кириптер болушуп, бѳѳдѳ азап чегишкен. Жергиликтүү  бийликтин берген маалыматтарына таянсак декабрь айынын 2-декадасында Кыргызстандын ѳз аймагынан ѳткѳн жогорку чыңалуудагы электр линиясы пайдаланууга бериле баштайт.

Баткен. “Үйүңүзгѳ тынчтык”. Үстүбүздѳгү жылдын 20-июлунан 21-июлга  караган түнү болгон жер титирѳѳдѳн  улам Кадамжай районундагы  Кан   айылында  дээрлик 90 пайыз турак үйлѳр олутуу зыян тартып,  анын ичинен  31и такыр  жараксыз деп табылган болчу. Ѳзгѳчѳ кырдаалдар министрлигинин чыгарган мындай жыйынтыгынан кийин аталган айылдагы 87 турак жай капиталдык оңдоо -түзѳѳлѳрдѳн ѳткѳрүлүп,  17и үй жаңыдан тургузулду. 40 үйдүн чатыры жаңыланып, 14 үй-бүлѳгѳ Ѳкмѳттѳн  200 миң  сомдон жеңилдетилген ссуда берилди.

Толугу менен

Ош. «Үйүңүзгѳ тынчтык». 2-декабрда Ош облусунун Кара-Кулжа районунда Эл аралык майыптар күнүнө карата маданий иш-чара өтөт. Ага аймактагы мүмкүнчүлүгү чектелген жарандар, жергиликтүү жетекчилер, мамлекеттик эмес уюмдардын өкүлдөрү катышат. Бул тууралуу Ош облустук мамлекеттик администрациясынын маалымат кызматынан билдиришти.
Толугу менен

Баткен. «Үйүңүзгѳ тынчтык».  «Баткеннефтегаз» ишканасы быйыл жергиликтүү тургундардан  26 адамды жумушка тарткан. Бул сан дагы 100гө чейин өсмөкчү. Негизи, ишчилердин өңчөйүн эле кытай адистери түзөт. Ар бир бургуланган скважинада 70тей адам күнү-түнү кезек менен иштешет. Бургулоо-чалгындоо мөөнөтү 25 күндөн 1 айга чейин. Бул аймактан мунайдын жетиштүү кору табылса, күйүүчү май жана газга башкаларга көз каранды болбосок, ошол изги ийгилигибиз болмок дешет жергиликтүүлөр.

Толугу менен

Ош.”Үйүңүзгө тынчтык”.Бүгүн Ош шаарындагы калктуу конуштарга газ берүү токтотулду. Бул боюнча бизге шаардык газ чарба башкармалыгынын башчысынын орун басары Абдуманап Муминовмаалымдады. Анын айтымында, 29-ноябрдан тарта Өзбекстандан келип жаткан газдын басымы 5 эсе азайып кеткен. Мунун натыйжасында газ бөлүштүрүү кыйынчылыктарды жаратып, турак-жайларга убактылуу газ берүү токтотулду.

Толугу менен

Ош. «Үйүңүзгѳ тынчтык». «ВИЧ-илдетинин тарашына байланыштуу коюлган дооматтарга жана айыптоолорго макул эмеспиз». Ушундай билдирүү менен Ош шаарындагы 200дөн ашуун медицина кызматкерлери борбордук аянтка нааразылык акциясына чыгышты. Айтымдарында, ВИЧ-илдетинин таралышына бир гана медицина кызматкерлери күнөлүү эмес. Бул көйгөйдү чечүү үчүн комплекстүү чаралар керек. Медиктер ВИЧ-илдетинин таралуу фактылары  боюнча эл аралык эксперттердин катыштыгында иликтөөлөр жүргүзүлүшүн талап кылышты. Бул арада тергөө жана сот жараяндарын токтото туруу керек. Ош облустук санитардык-эпидемиологиялык көзөмөл кызматынын башчысынын орун басары Артыкбай Эралиев билдиргендей, эгер атайын иликтөөлөр жүргүзүлбөсө, ак халатчандар мөөнөтсүз иш таштоого барышат.

 Ош.   «Үйүңүзгѳ тынчтык». 27-ноябрь күнү Ош-Бишкек жолунда кар көчкү астында калып каза болгон үч кишинин экөөсү Кытай жараны, үчүнчүсү Кыргызстандын жараны экени аныкталды. Кытайлык жарандар Чоң-Алай районундагы кен казган жерде иштешчү. Ал эми кыргызстандык жаран Чоң-Алай районунун Дароот-Коргон айылынын тургуну, 1966-жылы туулган Ниматилла Жапаров экени тастыкталды. Бул маркум туулган жеринде жерге берилди.

Жалал-Абад.      «Үйүңүзгѳ тынчтык». Токтогул райондук Сулайман Рысбаев атындагы балдар китепканасында куурчак театры ачылып, балдарга ѳз кызматын ѳтѳп жатат. Бул облустагы китепканаларда түзүлгѳн биринчи куурчак театры болуп саналат. Бул тууралуу Жалал-Абад облустук  китепканасынын башчысы Сейил Аталиева билдирди.

Толугу менен

Жалал-Абад.      «Үйүңүзгѳ тынчтык». Токтогул районундагы балдар китепканасына  педагогика илимдеринин доктору, профессор, акын, жазуучу жана журналист Сулайман Рысбаевдин ысмы ыйгарылды. Бул тууралуу Жалал-Абад облустук китепканасынын директору Сейил Аталиева билдирди.

Толугу менен

Жалал-Абад.      «Үйүңүзгѳ тынчтык». Жалал-Абад шаарындагы «Достук» аймактык башкармалыгына караштуу №8-кѳп кабаттуу үйдүн чатырынан суу ѳтүп, анда жашаган тургундар зыян тартышууда. Бул тууралуу аймактык башкармалыктын жетекчиси Назира Мамирова билдирди.

Толугу менен

Жалал-Абад.      «Үйүңүзгѳ тынчтык». Жалал-Абад мамлекеттик университетинде ѳткѳн спикерлер арасындагы факультеттер аралык сынакта 5-курстун студенти Гүлзада Акматалиева мыкты спикер катары аныкталды. Бул сынакка университеттин бардык факультеттериндеги 8 спикер катышып, алар ѳздѳрүнүн мыкты даярдыктарын кѳрсѳтүштү. Сынакта «саламдашуудан» баштап, студенттин жашоосу, жүрүш-турушу, аракети, ѳздѳрүнүн спикерлик милдетти аткарышы тууралуу сценаларды аткарышты жана ѳз күйѳрмандары алдында баяндап беришти. Залда отурган студенттер ѳздѳрүнүн спикерин кызуу кубаттап турушту. Сценалар атайын музыкалаштырылып, кѳрүүчүлѳргѳ жакшы таасир калтырды.

Толугу менен

Ош. «Үйүңүзгѳ тынчтык». 27-ноябрь күнү Ош технологиялык университетинде мектеп окуучуларынын ортосунда предметтик олимпиада ѳткѳрүлдү. Бул иш-чара аталган окуу жайдын Кесипке багыт берүү жана ЖОЖго чейинки даярдоо борбору менен Кабыл алуу комиссиясы тарабынан уюштурулган. Олимпиаданын негизги максаты — мектеп окуучуларынын жогорку билим алууга болгон кызыгуусун арттыруу, алардын билим деңгээлин текшерүү, күчтүү бүтүрүүчү-абитуриенттерди тандоо, мектептер менен окуу жайдын ортосундагы байланышты күчѳтүү  болуп эсептелет.

Толугу менен

Ош. “Үйүңүзгѳ тынчтык”. Ош технологиялык университетинин «Карьера борбору» окуу жайдын Окумуштуулар кеңешинин чечими менен 2004-жылы негизделген. Борбордун ишмердүүлүгүнүн негизги максаты – бүтүрүүчү студенттер менен ишканалардын, иш берүүчүлѳрдүн ортосундагы байланышты чыңдоо жана жумушка жайгашуу боюнча түшүндүрмѳлѳрдү  берүү, бүтүрүүчүлѳр менен окуу жайдын ортосундагы тыгыз байланышты күчѳтүү  болуп саналат.

Толугу менен

Ош.”Үйүңүзгѳ тынчтык”. Кылымдар бою кадыр-баркын жоготпостон, ата-бабаларыбыздан бери пайдаланылып келаткан буюмдардын бири-бул бешик. Кыргыз элинин балдары да, ѳзбек элинин балдары да бешикке жатып чоңоюшкан. Наристе тѳрѳлгѳндѳ  ырым-жырым менен  бешикке  салынган. Бешикке  наристелерди  эл ичинде  салмагы бар, же  кѳптү тѳрѳгѳн  кадыр-барктуу  байбичелер бѳлѳшкѳн. Бешик  илгертен ушул күнгѳ  чейин үйдѳгү  ыйык буюм катары сакталып келатат.  Кыргыз элинде  ал тургай  бешикти жайлоолорго  кѳчүп жүргѳндѳ да ала жүрүшкѳн. Азыркы  кезде бешиктин  түрлѳрү жасалууда. Базарга  барсаң кооздугу жагынан да, кѳлѳмү жагынан да түркүн  бешиктерди кезиктиресиң. Арчадан жасалган бешиктер илгертеден эле  баасын жоготпой келүүдѳ. Азыр ѳзбек элинде да,  кыргыз элинде да бешикти  тѳрѳлгѳн наристенин таянеси  алып келет. Бешик тойго  таенеси бешикти жасалгасы, ороолору, жапкычтары менен   кошуп   бешиктин алдына  килемче,  коляска, манеж  жана башка зарыл  буюмдары,  оюнчуктары менен алып келүунү салтка айландырышууда.

  Толугу менен

Жалал-Абад. «Үйүңүзгѳ тынчтык”.   2011-ж.24.11. саат 06:00 чамасында  Бишкек-Ош автоунаа жолунун 246-чакырымында жалпы көлөмү болжол менен 104000м³ (узундугу 350м, туурасы 12м, бийиктиги 25м) болгон кар көчкү түшкөн.

2011-ж.25.11. саат 03:00 кар көчкү түшкөн жерге, КР ӨКМнин  Куткаруучуларды даярдоо мамлекеттик борборунан 10 куткаруучу ГАЗ-66 унаасы менен  нан, 10 орундуу  3 комплект чатыр,  1 даана жылыткыч, 200 даана жууркан,  200 килограммга жакын кѳмүр, отун, бензин  алып  жѳнѳп кетишкен.  Кар көчкүнү тазалоо иштерине ЖЭМ-23төн 2 даана бульдозер, 1 даана жүктөгүч, райондук администрациянын фондунан 1 даана жүктөгүч иштеп жатат.

Ош. «Үйүңүзгѳ тынчтык”. Ош технологиялык университетинде «Инновациялык ишмердүүлүктү уюштуруунун жолдору» деген темада мектеп мугалимдери, балдардын чыгармачылык борборлорунун кызматкерлери үчүн  семинар ѳткѳрүлүүдѳ. Бул иш-чара окуу жайдын Технопаркы жана Ош облустук балдардын чыгармачылык борбору тарабынан уюштурулуп, ага Ош облусунун бардык райондорундагы мектептердин чыгармачылык борборлорунун жетекчилери, мугалимдери, ОшТУнун окутуучулары жана студенттери катышууда.

Толугу менен

 Ош. «Үйүңүзгѳ тынчтык”. 2011- жылдын 25- ноябрь күнү саат 02:00 чамасында Мырзаке- Кара- Кулжа- Алайку унаа жолунун 97 чакырымында (Ойтал айылы) таш аралаш шагыл куюлмалар түшүп жол жабылган. Көчкүнүн туурасы 6 метр, узундугу 25 метр жана бийиктиги 8 метр болуп жалпы көлөмү 1200 м3 түзөт. Аталган жолду тазалоо үчүн райондук ЖЭМ- 26 мекемеси тарабынан 1 даана ДТ-75 бульдозери күчү жетпегендиктен кошумча 1 даана САТ-966 погрузчиги жөнөп кетти.

Ош. «Үйүңүзгѳ тынчтык”. 2-декабрдан 6-декабрга чейин Ош шаарында Улуу Жибек жолу тарых музейинде Курманжан датканын 200 жылдык мааракесине карата түркиялык кыргыз айым Тажигүл Күнтүздүн “Кыялымдагы кыргыз айымы” аттуу жеке сүрөт көргөзмөсү өтөт. Тажигүл Өзген Күнтүз 1958-жылы Түркиянын Кония шаарында төрөлгөн. Чоң атасы Парпибай ажы кыргыздын адигине уруусунан чыккан.

Толугу менен